бичлэгЭм гэж юу вэ?
- Эм гэдэг нь аливаа өвчнийг эмчлэх зорилгоор тодорхой тун хэмжээгээр хэрэглэдэг онцгой бүтээгдэхүүн
- Эмийг зөв сонгож, зөв хэрэглэж байж л хүссэн үр дүндээ хүрч чадна. Эмийг зөв зохистой хэрэглэхийн тулд та эмийн талаар тодорхой мэдлэгтэй байх нь чухал.
- Эмийн зохистой хэрэглээ гэдэг нь тухайн хүний нас, биеийн онцлог, өвчинд тохирох эмийг зохих тунгаар хэмжээгээр тодорхой хугацаагаар хэрэглэхйиг хэлдэг.
- Эмийг хэрэглэх зааврыг баримтлахгүй, өвчний шинж тэмдэг, зовиур нь гайгүй болмогц хэрэглэхээ больсноор хүндрэх, архагших, эмэнд дасалттай болох зэргээр эмчилгээний үр дүнд муугаар нөлөөлдөг.
- Хэт олон эмийг нэг дор хэрэглэснээс гаж нөлөө ихэснэ.
- Эмийг хэтэрхий их хэмжээгээр эсвэл ижил найрлагатай эмүүдийг хавсран хэрэглэвэл тун хэтэрч хордох аюултай.
- Эмийг буруу хэрэглэвэл үр дүн нь буурч, эмчилгээний зардал ихэснэ.
- Аливаа өвчний үед эмчид хандан түүний зөвлөсөн эмийг сонгон хэрэглэх нь зүйтэй. Учир нь эмч таньд тохирох эмийг сонгон ямар тунгаар, хэдэн удаа, хэдэн хоногийн турш, яаж хэрэглэхйиг заан жор бичиж өгнө.
- Хэрэв эмийг өөрөө сонгон хэрэглэх бол тухайн эмийн үйлчлэгч бодис, хэрэглэх заалт болон эсрэг заалт, цээрлэх, хэрэглэх аргын талаар тодорхой мэдээлэл авсны дараа сонгон хэрэглээрэй.
- Хэт олон эмийг нэг дор хэрэглэхгүй байх, зөвхөн шаардлагатай цөөн эм хэрэглэх
- Хүүхдэд эмийг эмчийн заавраар сонгон хэрэглэх
- Жирэмсэн үед ялангуяа эхний 3 сард эмийг аль болох хэрэглэхгүй байх нь зүйтэй. Хэрэв шаардлагатай бол эмчийн заавраар хэрэглээрэй.
- Эмийг хэрэглэх явцад ямар нэг гаж нөлөө илэрвэл эмчдээ даруймэдэгдээрэй.
- Эмийг шошго дээр нь заасан нөхцөлд хүүхдийн гар хүрхээргүй газар зөв хадгалаарай.
- Эмийг хоолны өмнө буюу дараа хэдийд хэрэглэснээс эмчилгээний үр дүн ихээхэн хамаардаг. Эмийг хэдийд яаж хэрэглэх талаар эмийн заавраас мэдэж болно.
- Ихэнх эмүүдийг хоолны өмнө уух нь тохиромжтой байдаг боловч ходоод гэдэсний замыг цочроох нөлөөтэй эсвэл ходоодны хүчилд тэсвэр багатай эмийг хоол идсэний дараа уугаарай. Хоолны өмнө хэрэглэх эмийг хооллохоос 20-30 минутын өмнө ууж хэрэглэх нь тохиромжтой.
- Антибиотикийг зөвхөн нянгаар үүсгэгдсэн өвчний үед хэрэглээрэй. Харин вирүсээр үүсгэгдсэн жирийн ханиад, томуу суулгалтыг эдгээдэггүй болохыг анхаарна уу.
- Антибиотикийг удаан хугацааны туршид бага тунгаар эсвэл заасан хоногийн турш гүйцэт хэрэглэхгүй дутуу орхисноос өвчин үүсгэгч нян антибиотикт дасалтай болох аюултай. Иймээс та антибиотик эм хэрэглэж эхлэсэн бол зааврын дагуу зөв хэрэглээрэй.
- Эмийг зайлшгүй тарьж хэрэглэх шаардлага гарвал мэргэжлийн хүнээр нэг удаагийн зүү тариураар хийлгэх хэрэгтэй.
- Тарилгын үед халдварт шар, ХДХВ/ДОХ-ын халдвар авах эрсдэл ихтэй, мөн өртөг зардал нь өндөр байдаг тул та аль болохоор эмийг ууж хэрэглэхийг хичээгээрэй.
| № | Эмийн бодис | хориглох зүйлс |
| 1 | Курантил | Цай кофе хориглоно |
| 2 | Антикоагулянтууд | Ногоо, цай болон квит агуулсан бүтээгдэхүүн |
| 3 | Цусны даралт бууруулах эмүүд | Ягаан манжин, гүзээлзгэнэ |
| 4 | Диакарб, ампициллин нитруфуран төмрийн бэлдмэл | Хүчиллэг ихтэй хүнсний зүйл, шүүс, сүү сүүн бүтээгдэхүүн |
| 5 | Инсулин | Нүүрс ус ихтэй хүнс |
| 6 | Фурозолидон | Баялаг пиво кофе дарс |
| 7 | Кальцийн давстай бэлдмэл | Сүүн болон өөхний хүчил цууны хүчил хурган чихний хүчил агуулсан хүнсний зүйлс |
| 8 | Урографин | Сүүн бүтээгдэхүүн, ногоо жимс |
| 9 | Тетрациклины бүлгийн антибиотикууд | Сүү сүүн бүтээгдэхүүн |
| 10 | Тироксин тримодин иодын бэлдмэл | Байцаа, манжин |
| 11 | Сульфаниламидууд | Хүхэр агуулсан өндөр мэт бүтээгдэхүүн, Вит В1, фолийн хүчил агуулсан хоол хүнс |
| 12 | Ферроцерол | Вит С, хүчиллэг хүнс чацаргана аньс давсалсан байцаа |
